Avstriyalı general Avropa İttifaqında ən yüksək hərbi vəzifəyə təyin olunub
Vyana, 20 may, AZƏRTAC
Avstriya Silahlı Qüvvələrinin Baş Qərargah rəisi Robert Briqer Avropa İttifaqının Hərbi Komissiyasına (EUMC) rəhbər təyin olunub.
AZƏRTAC xəbər verir ki, 64 yaşlı generalın Avropa İttifaqında ən yüksək hərbi vəzifəyə təyinatı 27 üzv dövlətin təmsilçiləri tərəfindən yekdilliklə təsdiqlənib. Gələn il iyunun 1-də vəzifə səlahiyyətlərinin icrasına başlayacaq R.Brieqer italiyalı general Klaudio Qratsianonu əvəzləyəcək.
Qeyd edək ki, Avropa İttifaqına üzv ölkələrin Baş Qərargah rəislərinin təmsil olunduğu hərbi komissiya birgə təhlükəsizlik və müdafiə siyasətinin həyata keçirilməsinə məsul orqandır. Komissiya Avropa İttifaqı əməliyyatlarına rəhbərlik etsə də, əməliyyatların həyata keçirilməsinə Avropa İttifaqının hərbi qərargahı (EUMS) cavabdehdir. Hazırda Avropa İttifaqı Bosniya və Herseqovinada (EUFOR ALTHEA), Somali sahillərində (EUNAVFOR Atalanta) və Aralıq dənizində (EUNAVFOR IRINI) hərbi missiyalar həyata keçirir.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
