AVTOMAŞINDAN NARKOTİK MADDƏ AŞKARLANMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Narkotiklərlə Mübarizə Baş İdarəsinin cənub bölgəsində regional şöbəsi və Biləsuvar Rayon Polis Şöbəsi əməkdaşlarının keçirdiyi birgə əməliyyat zamanı İran vətəndaşı Ahdam Mahmud Rahmatullah oğlu Zabihinin idarə etdiyi “İveko” markalı avtomaşın nəzarət qaydasında saxlanılmışdır. Avtomaşına baxış zamanı 12 qram tiryək və 5 qram həşiş tapılmışdır.
Qəbələ Rayon Polis Şöbəsinin işçiləri Əmirvan kənd sakini Zakir Rəhimovun həyətyanı sahəsində kultivasiya yolu ilə becərilmiş, çəkisi 400 qram olan 33 ədəd kənaf kolu aşkarlamışlar.
Gəncə Şəhər Polis İdarəsinin əməkdaşları isə şəhər sakini Hüseyn Allahverdiyevdən 0,197 qram heroin götürmüşlər.
Faktlarla bağlı cinayət işi açılmışdır.
Bölmənin digər xəbərləri
