“AvtoVAZ” 33 minədək avtomobili geri çağırır
Moskva, 20 may, AZƏRTAC
Rusiyanın “AvtoVAZ” şirkəti əyləcində nasazlıq olan 33 minədək avtomobili geri çağırır.
AZƏRTAC xəbər verir ki, “AvtoVAZ” əyləcin vakuum gücləndiricisinin korpusunda nasazlıq olan 32 min 892 “Lada Largus” avtomobilini geri çağırır. Bu modelin 2017-ci ilin noyabrından sonra istehsal olunmuş avtomobillərin əyləcinin vakuum gücləndiricisinin korpusunda nasazlıq olduğu ehtimal edilir.
Rusiya Federal Texniki Tənzimləmə və Metrologiya Agentliyinin məlumatına görə, geri çağırılan avtomobillərdə vakuum gücləndiricisinin istehsal müddəti yoxlanılacaq və ehtiyac yaranarsa, həmin hissə yenisi ilə əvəz olunacaq. Təmir işləri avtomobil sahibləri üçün pulsuz həyata keçiriləcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
