Azad İstehlakçılar Birliyi qarğıdalı yağlarının ekspertizasını aparmışdır
Bakı, 13 noyabr (AZƏRTAC). Noyabrın 13-də Trend İnformasiya Mərkəzində Azad İstehlakçılar Birliyi (AİB) KİV nümayəndələri üçün mətbuat konfransı keçirmişdir. Konfransda qarğıdalı yağlarının monitorinqinin nəticələri açıqlanmışdır.
AZƏRTAC xəbər verir ki, AİB-in mütəxəssisləri bu monitorinqin istehlakçılar tərəfindən daxil olan çoxsaylı müraciətlər əsasında keçirildiyini bildirmişlər. Onların şübhələrinə son qoymaq üçün ölkə ərazisində qarğıdalı yağlarındakı turşuların çeşidini, mövcud standartlara görə yağdakı miqdarını müəyyən etmək üçün ekspertiza aparılmışdır. Ekspertizanın məxfiliyi təmin olunmuş, onun ədalətli və düzgün keçirilməsi üçün bütün mümkün vasitələrdən istifadə edilmişdir. Nəticədə təqdim edilən bütün nümunələrin qarğıdalı yağı olduğu təsdiqlənmiş və turşuluq dərəcələrində cüzi fərqlər qeydə alınmışdır. Bakı Qida Sənayesi Fabrikinin istehsal etdiyi “Royal” yağının göstəriciləri daha qənaətbəxş sayılmışdır.
Beləliklə, istehlakçılar ölkəmizin əmtəə bazarında təqdim edilən qarğıdalı yağlarından tərəddüdsüz istifadə edə bilərlər.
Bölmənin digər xəbərləri
