AZƏRBAYCAN ALİMLƏRİ NÜVƏ ELMLƏRİNƏ DAİR III AVRASİYA KONFRANSINDA İŞTİRAK ETMİŞLƏR

16.10.2004 [15:14]
Çap et
A⁺ A^-

Özbəkistan EA-nın Nüvə Fizikası İnstitutu Daşkənddə Beynəlxalq atom Enerjisi agentliyi, Türkiyə atom enerjisi agentliyi, Əbdüssəlam adına Beynəlxalq tətbiqi fizika mərkəzi (İtaliya), Lourene Livermor milli laboratoriyası (ABŞ) ilə birgə “III Avrasiya nüvə elmləri və onun praktik aspektləri” mövzusunda beynəlxalq konfrans keçirmişdir. Konfransın işində dünyanın 20 ölkəsindən 250-dən çox alim və mütəxəssis iştirak etmişdir.

Ölkəmizi bu beynəlxalq tədbirdə Azərbaycan Aerokosmik Agentliyinin baş direktoru, fizika-riyaziyyat elmləri dokturu Əflatun Həsənov, MEA-nın Radiasiya Problemləri İnstitutunun direktoru Adil Qəribov, institutun laboratoriya müdirləri Rəhim Mədətov və Teymur Ağayev təmsil etmişlər.

Konfransda nüvə problemlərinin idarə edilməsi və bu sahədə yeni elmi nailiyyətlər, radiasiya materialşünaslığı, nüvə elmlərinin tibbdə tətbiqi, iştirakçı ölkələrdə radioekoloji vəziyyət və digər məsələlər müzakirə olunmuşdur.

Azərbaycan nümayəndələri nüvə enerjisindən dinc məqsədlərlə istifadə edilməsi, radiasiya materialşünaslığı, atom-hidrogen energetikası və tibbi radiasiya sahələrində ölkəmizdə görülən işlər haqqında məlumat vermişlər.

Növbəti konfransın 2006-cı ildə Bakıda keçirilməsi qərara alınmışdır.