AZƏRBAYCAN AVARÇƏKƏNLƏRİ UKRAYNADA BEYNƏLXALQ TURNİRDƏ İŞTİRAK ETMİŞLƏR
Ukraynanın Donetsk vilayətinin Komsomolsk şəhərində yeniyetmələr arasında kayak və kanoe qayıqlarında avarçəkmə üzrə beynəlxalq turnir keçirilmişdir.
Azərbaycan Milli Avarçəkmə Federasiyasından AZƏRTAC-a bildirmişlər ki, yarışda Ukraynanın müxtəlif bölgələrinin 20 komandası ilə yanaşı, Azərbaycan yığması da qüvvəsini sınamışdır.
Azərbaycan avarçəkənləri arasında ən yaxşı nəticəni Rüfət Vəlizadə göstərmişdir. O, 1993-94-cü il təvəllüdlü kayakçıların 500 metrlik məsafəyə yürüşündə finaladək irəliləyə bilmişdir. Lakin həlledici mərhələdə rəqiblərindən geri qalan Vəlizadə 9 iştirakçı arasında sonuncu yeri tutmuşdur.
Ümumi hesabda kayak və kanoe üzrə yığmamız 72 xalla 21 komanda arasında 17-ci yeri tutmuşdur.
Bölmənin digər xəbərləri
