Azərbaycan cüdoçuları Əbu-Dabidə keçiriləcək Qran-Pri yarışlarında iştirak edəcəklər
Bakı, 13 noyabr (AZƏRTAC). Noyabrın 22-23-də Əbu-Dabidə cüdo üzrə Qran-Pri turniri keçiriləcəkdir. Turnirdə Azərbaycan yığması da iştirak edəcəkdir.
AZƏRTAC xəbər verir ki, yığma komandanın tərkibinə dünya çempionatının bürünc mükafatçıları İlqar Müşkiyev, Orxan Səfərov (hər ikisi 60 kq), Nicat Şıxəlizadə, Tərlan Kərimov (hər ikisi 66 kq), Rüstəm Orucov, Vüqar Bayramov (hər ikisi 73 kq), Tural Səfquliyev (81 kq), Şahin Qəhrəmanov (90 kq), dünya çempionu Elxan Məmmədov (100 kq), habelə Vaxtanqi Bitiyev və Uşanqi Kokauri (hər ikisi 100 kq-dan çox) daxildir.
Qadınların yarışlarında ölkəmizi Aişə Qurbanlı (48 kq) və Kifayət Qasımova (57 kq) təmsil edəcəklər. Turnirdə 40 ölkədən 265 cüdoçu iştirak edəcəkdir.
Bölmənin digər xəbərləri
