“Azərbaycan ədəbiyyatşünaslığı” jurnalının növbəti nömrəsi çap olunub
Bakı, 22 sentyabr, AZƏRTAC
AMEA-nın Nizami Gəncəvi adına Ədəbiyyat İnstitutunun “Azərbaycan ədəbiyyatşünaslığı” elmi jurnalının yeni nömrəsi işıq üzü görüb.
İnstitutdan AZƏRTAC-a bildirilib ki, AMEA-nın prezidenti akademik İsa Həbibbəylinin baş redaktorluğu ilə çıxan elmi jurnalın bu nömrəsi onun “Anarın ədəbiyyat fəzası və gerçəklikləri” adlı məqaləsi ilə başlayır.
Azərbaycan ədəbiyyatını və onun tarixi inkişaf mərhələlərini araşdıran, bu mövzuda müasir və aktual tədqiqat işlərinin nəşrini həyata keçirən jurnalda məqalələr Azərbaycan, rus, ingilis və türk dillərində dərc edilir. Yeni nömrə “Azərbaycan ədəbiyyatı”, “Folklorşünaslıq”, “Mətbuat tarixi”, “Yubileylər” və “Resenziya” bölmələrindən ibarətdir.
Qeyd edək ki, “Azərbaycan ədəbiyyatşünaslığı” jurnalının beynəlxalq redaksiya heyətinə Türkiyə, Özbəkistan, Fransa, Gürcüstan, Tatarıstan, Hindistan, Polşa və Monqolustanın alimləri daxildir. Jurnal Azərbaycan Respublikası Prezidenti yanında Ali Attestasiya Komissiyasının tövsiyə etdiyi elmi nəşrlərin siyahısına daxildir.
Bölmənin digər xəbərləri
