AZƏRBAYCAN GƏNCLƏRİ SAN-PAULU ŞƏHƏRİNDƏ TƏŞKİL EDİLƏN BEYNƏLXALQ KONQRESDƏ İŞTİRAK EDİRLƏR
Gənclər və İdman Nazirliyinin mətbuat xidmətindən AZƏRTAC-a bildirmişlər ki, avqustun 20-dən 30-dək Braziliyanın San-Paulu şəhərində Tələbələrin İqtisadiyyat və Menecmentlik üzrə Assosiasiyasının (AİESEC) beynəlxalq konqresi keçiriləcəkdir.
Azərbaycanı bu konqresdə Assosiasiyanın ölkə üzrə nümayəndəsi Xəyalə Məmmədova və Nadir Saraclı təmsil edirlər.
AİESEC təşkilatı dünyanın 1100-dək universitetlərini əhatə edən, BMT-də məsləhətçi statusu olan ən böyük tələbə qurumudu.
Qeyd edək ki, konqres Azərbaycan həqiqətlərinin, vətənimizin tarixini və xalqımızın mədəniyyətinin dünyanın müxtəlif ölkələrindən olan gənc liderlərə çatdırılması baxımından mühüm əhəmiyyət kəsb edir. Konqres çərçivəsində təşkil olunacaq “Mədəniyyət gecəsi” adlı tədbirdə iştirakçılara Azərbaycanın mədəniyyəti və tarixi haqqında çap məhsulları təqdim ediləcək və milli rəqslərimiz nümayiş olunacaqdır.
Bölmənin digər xəbərləri
