AZƏRBAYCAN GƏNCLƏRİNİN NÜMAYƏNDƏLƏRİ IV DÜNYA GƏNCLƏR KONQRESİNDƏ İŞTİRAK ETMİŞLƏR
AZƏRTAC xəbər verir ki, Kanadanın Kvebek şəhərində dünya ölkələri fəal gənclərinin iştirakı ilə minilliyin inkişaf məqsədlərini müzakirə etmək, beynəlxalq həmrəyliyə və sülhə yol açmaq məqsədi ilə IV Dünya Gənclər Konqresi keçirilmişdir.
Tədbir çərçivəsində keçirilən sərgidə Azərbaycan ayrıca stendlə təmsil olunmuş, əcnəbi gənclərə ölkəmizin milli mətbəxinin nümunələri və müxtəlif təbliğat materialları paylanmışdır.
Azərbaycanlı gənclər Bakıda keçiriləcək Gənclərin Məşğulluq Sammiti (YES) haqqında konqres iştirakçılarına geniş məlumat vermiş, onları tədbirə dəvət etmişlər.
Eyni zamanda CNN telekanalında Vətənimizin mədəniyyəti, adət-ənənələri, iqtisadi inkişafını özündə əks etdirən 10 dəqiqəlik videoçarx nümayiş olunmuşdur.
Konqresdə 100-dən çox ölkədən 500-ə yaxın gənc iştirak etmişdir.
Növbəti Dünya Gənclər Konqresi 2010-cu ildə İstanbul şəhərində keçiriləcəkdir.
Bölmənin digər xəbərləri
