AZƏRBAYCAN HƏKİMLƏRİ BEYNƏLXALQ KONFRANSDA İŞTİRAK ETMİŞLƏR
Ankarada talassemiya problemlərinə həsr olunmuş beynəlxalq konfrans keçirilmişdir. Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki, iki ildə bir dəfə keçirilən konfransda Azərbaycan, ABŞ, Böyük Britaniya, İtaliya, Səudiyyə Ərəbistanı, İran alimləri iştirak etmişlər. Ölkəmiz Hematologiya və Transfuziologiya ETİ-nin direktoru Azad Hacıyev və respublikanın baş hematoloqu Çingiz Əsədovla təmsil olunmuşdur.
Konfransda talassemiyanın müalicəsinə müasir yanaşmalar nəzərdən keçirilmiş, yeni dərman preparatları təqdim edilmiş, müxtəlif ölkələrin mütəxəssisləri arasında təcrübə mübadiləsi, habelə xəstə uşaqların valideynlərinin iştirakı ilə müzakirələr aparılmışdır.
Bölmənin digər xəbərləri
