AZƏRBAYCAN HƏRBÇİLƏRİ NATO-NUN TƏDBİRLƏRİNDƏ İŞTİRAK EDƏCƏKLƏR
Müdafiə Nazirliyinin mətbuat xidmətindən AZƏRTAC-a bildirmişlər ki, NATO-nun “Sülh naminə tərəfdaşlıq” Proqramı çərçivəsində mayın 6-dan 9-dək Bakıda NATO-nun İzmirdəki Hərbi Hava Qüvvələri Komponent Komandanlığı Qərargahının mobil təlim qrupu tərəfindən hərbi hava qüvvələri qərargah zabitləri üçün təlim kursu, mayın 7-dən dekabrın 23-dək ABŞ-ın San-Antonio şəhərində “Səhra artilleriyası” kursu keçiriləcəkdir.
Mayın 6-dan 9-dək Bakı şəhərində qərargah zabitləri üçün tanışlıq kurslarına hazırlıq mayın 8-dən 9-dək Bakıda Nasosnı aeroportunun təkmilləşdirilməsi ilə əlaqədar ekspert səfərləri təşkil ediləcəkdir.
NATO ilə Azərbaycan Respublikası arasında imzalanmış fərdi proqrama uyğun olaraq, həmin tədbirlərdə Silahlı Qüvvələrimizin nümayəndələri də iştirak edəcəklər.
Bölmənin digər xəbərləri
