“AZƏRBAYCAN İNCƏSƏNƏTİ” KİTABININ TƏQDİMAT MƏRASİMİ KEÇİRİLMİŞDİR
AZƏRTAC xəbər verir ki, Atatürk mərkəzində keçirilən mərasimdə Azərbaycanın elm və mədəniyyət xadimləri, xarici ölkə səfirliklərinin nümayəndələri, millət vəkilləri iştirak etmişlər.
Azərbaycan Milli Elmlər Akademiyasının müxbir üzvü, Atatürk mərkəzinin müdiri Nizami Cəfərov mərasimi açaraq, görkəmli alim Rasim Əfəndinin yeni kitabının Azərbaycan mədəniyyəti və incəsənətinin dünyada təbliğində ümummilli liderimiz Heydər Əliyevin müdrik siyasətinin Azərbaycan Respublikasında ardıcıl olaraq həyata keçirilməsinin böyük əhəmiyyətə malik olduğunu qeyd etmişdir. Sənətşünas alimlər İlham Rəhimli, Cəfər Qiyasi, heykəltəraş Ömər Eldarov, Azərbaycanın Macarıstandakı səfiri Həsən Həsənov bu kitabın nəşrini Azərbaycan mədəniyyəti tarixində böyük hadisə adlandırmış, müəllifə yeni yaradıcılıq uğurları arzulamışlar.
Bölmənin digər xəbərləri
