Azərbaycan kikboksçusu “Glory 64” turnirində növbəti qələbəsini qazanıb
Bakı, 11 mart, AZƏRTAC
Azərbaycan kikboksçusu Alim Nəbiyev Strasburqda təşkil olunan “Glory 64” turnirində növbəti döyüşünü keçirib.
AZƏRTAC xəbər verir ki, “Qəbələ” idman klubunun təmsilçisi, yarım orta çəki dərəcəsində mübarizə aparan Alim Nəbiyev hollandiyalı Murtela Qroenhart ilə qarşılaşıb. “Glory” seriyasının reytinq birincisi olan idmançımız görüşdən qalib ayrılıb - 4:1.
Qeyd edək ki, Azərbaycan kikboksçusu peşəkar rinqdə keçirdiyi 58 döyüşdən 51-də, “Glory” seriyasında keçirdiyi 6 görüşdən isə 5-də qələbə qazanıb.
Bölmənin digər xəbərləri
