AZƏRBAYCAN MDB MƏKANINDA LİDER MÖVQEYİNİ SAXLAMAQDADIR
MDB Dövlətlərarası Statistika Komitəsi 2008-ci ilin birinci yarısı üzrə iqtisadi göstəriciləri açıqlamışdır.
AZƏRTAC xəbər verir ki, Azərbaycan ümumi daxili məhsulun (ÜDM) artım sürətinə görə MDB məkanında lider mövqeyini saxlamışdır. Cari ilin birinci yarısında ÜDM-in artımı 2007-ci ilin müvafiq dövrü ilə müqayisədə 16,5 faiz təşkil etmişdir. İkinci yerdəki Belarusda bu göstərici 10,4 faiz olmuşdur.
Azərbaycanda 2008-ci ilin birinci yarısında ötən ilin eyni dövrü ilə müqayisədə13,8 faiz çox sənaye məhsulu istehsal edilmişdir. Bu, ikinci yerdə olan Belarusun göstəricisindən 0,8 faiz çoxdur.
Ölkəmiz əsas kapitala yönəldilmiş investisiyaların məbləğinə (31,9 faiz çox), əhalinin pul gəlirlərinin artımına (34,2 faiz) və digər göstəricilərə görə də liderlərdən biridir.
Bölmənin digər xəbərləri
