AZƏRBAYCAN NÜMAYƏNDƏSİ BAŞ ASSAMBLEYANIN 63-CÜ İCLASINDA İŞTİRAK ETMİŞDİR

26.11.2003 [20:07]
Çap et
A⁺ A^-

Parisdə Beynəlxalq Dəmir Yolları Təşkilatının 63-cü Baş Assambleyasının iclası olmuşdur. Ölkəmizi bu tədbirdə Azərbaycan Dövlət Dəmir Yolu İdarəsinin Tarif və Nəqliyyat Servis Xidmətinin rəisi Əmiraslan Əşrəfov təmsil etmişdir. O, səfərdən sonra AZƏRTAC-ın müxbiri ilə söhbətində demişdir ki, 1922-ci il oktyabrın 22-də Parisdə yaradılan Beynəlxalq Dəmir Yolları Təşkilatı çox nüfuzlu qurumdur. Hazırda 85 ölkənin 162 təşkilatı onun toplantılarında müxtəlif statuslarla iştirak edir. MDB dövlətlərindən Ukrayna, Belarus, Qazaxıstan və Baltikyanı ölkələr təşkilatın əsas, digərləri isə assosiativ üzvləridir.

Təşkilatın əsas məqsədi beynəlxalq daşımaların həyata keçirilməsi üçün zəruri texniki şərait yaratmaqdan ibarətdir. Sərnişin və yük daşımaları, infrastruktur, ətraf mühitin qorunması, idarəçilik, beynəlxalq treninq onun fəaliyyətinin əsas istiqamətlərini təşkil edir.

İclasda təşkilatın illik hesabatı dinlənildi, ekoloji məsələlər müzakirə edildi, 2004-cü il üçün büdcə qəbul olundu. 63-cü islasın gündəliyinə, həmçinin təşkilati məsələlər də daxil edilmişdi.

Baş Assambleyanın iclaslarının keçirildiyi günlərdə bir sıra ölkələrin dəmir yollarının nümayəndələri ilə görüşüb əməkdaşlıq barədə fikir mübadiləsi apardıq. Belə tədbirlər, şübhəsiz ki, mühüm coğrafi-strateji məkanda yerləşən Azərbaycanın dəmir yolu nəqliyyatının işini beynəlxalq standartların tələbləri səviyyəsinə qaldırmağa kömək edəcəkdir. Ümid edirik ki, yaxın gələcəkdə ölkəmiz bu beynəlxalq təşkilatın daimi və həm də fəal üzvlərindən birinə çevriləcəkdir.

AZƏRBAYCAN NÜMAYƏNDƏSİ BAŞ ASSAMBLEYANIN 63-CÜ İCLASINDA İŞTİRAK ETMİŞDİR

MÜƏLLİFLƏ ƏLAQƏ

Bölmənin digər xəbərləri