AZƏRBAYCAN ORDUSUNUN ƏSGƏRİ ƏSİRLİKDƏN AZAD EDİLMİŞDİR
AZƏRTAC xəbər verir ki, 2008-ci il aprelin 11-də Azərbaycan Respublikasının Ağdam rayonu istiqamətində Ermənistan Respublikası hərbçiləri tərəfindən əsir götürülmüş Azərbaycan ordusunun əsgəri, 1989-cu il təvəllüdlü Heybətov Vüsal Şirsultan oğlu Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası işçi qrupunun beynəlxalq təşkilatlarla müntəzəm apardığı səmərəli danışıqlar nəticəsində 2008-ci il mayın 3-də Ağdam rayonunun Baş Qərvənd kəndi istiqamətində, qoşunların təmas xəttində əsirlikdən azad olunaraq, Azərbaycan Respublikası Müdafiə Nazirliyinə təhvil verilmişdir. Onun sağlamlıq durumu normaldır.
Prosesdə Dövlət Komissiyası işçi qrupunun, Müdafiə Nazirliyinin və bitərəf vasitəçi qismində Beynəlxalq Qızıl Xaç Komitəsinin əməkdaşları iştirak etmişlər.
Tədbir beynəlxalq humanitar hüquq normalarına uyğun keçirilmiş və insidentsiz başa çatmışdır.
Bölmənin digər xəbərləri
