AZƏRBAYCAN ORDUSUNUN MÖVQELƏRİ BİR NEÇƏ İSTİQAMƏTDƏ ATƏŞƏ TUTULMUŞDUR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan Silahlı Qüvvələrinin bölmələri aprelin 22-də saat 14.15-dən aprelin 23-ü saat 01.25-dək Berd, İcevan və Noyemberyan rayonlarının ərazilərində yerləşən mövqelərindən Azərbaycan Silahlı Qüvvələrinin Tovuz və Qazax rayonları ərazilərindəki mövqelərini, saat 14.35-dən 14.45-dək və aprelin 23-də saat 07.10-dan 07.20-dək Ağdam rayonunun Mərzili və Yusifcanlı kəndləri yaxınlığında yerləşən mövqelərindən, saat 14.45-dən 22.50-dək Xocavənd rayonunun ərazisindəki adsız yüksəkliklərdən və Kuropatkino kəndindəki mövqelərindən, saat 21.50-dən aprelin 23-ü saat 00.45-dək Füzuli rayonunun ərazisindəki adsız yüksəkliklərdən, Əbdülrəhmanlı və Horadiz kəndləri yaxınlığında yerləşən mövqelərindən, saat 21.45-dən 22.20-dək Goranboy rayonunun Tap Qaraqoyunlu kəndi yaxınlığında yerləşən mövqelərindən, saat 23.50-dən aprelin 23-ü saat 00.35-dək Tərtər rayonunun ərazisindəki adsız yüksəkliklərdə yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
