AZƏRBAYCAN PREZİDENTİ İLHAM ƏLİYEV SLOVENİYA PARLAMENTİNDƏ OLMUŞDUR
Burada dövlətimizin başçısı İlham Əliyevi və xanımı Mehriban Əliyevanı parlament sədrinin müavini Saşo Peçe böyük hörmət və ehtiramla qarşıladı.
Azərbaycan Prezidenti İlham Əliyev Milli Assambleyanın fəxri qonaqlar kitabını imzaladı.
Sonra Prezident İlham Əliyevlə parlament sədrinin müavini Saşo Peçenin görüşü oldu. Söhbət zamanı ölkələrimiz arasında siyasi, iqtisadi sahələrdə olduğu kimi, parlamentlərarası əlaqələrin genişləndirilməsinin də vacibliyi vurğulandı. Azərbaycanın dövlət başçısının Sloveniyaya ilk rəsmi səfərinə bu ölkədə çox böyük əhəmiyyət verildiyini bildirən Saşo Peçe bu səfəri ikitərəfli münasibətlərin inkişafında çox mühüm mərhələ kimi dəyərləndirdi.
Bölmənin digər xəbərləri
