AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ

20.10.2003 [17:52]
Çap et
A⁺ A^-

Hörmətli İlham Heydər oğlu!

Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm! Seçkilərdə inamlı qələbə ölkənizdə necə yüksək nüfuza malik olduğunuza parlaq sübutdur.

Azərbaycan xalqı Prezident Heydər Əliyev tərəfindən əsası qoyulmuş siyasi xəttin varisliyinə səs vermişdir. Ürəkdən ümidvaram ki, Sizin Prezident seçilməyiniz sayəsində Rusiya-Azərbaycan münasibətləri ölkələrimizin xalqlarının rifahı naminə bütün sahələrdə daha güclü inkişaf üçün yeni təkan alacaqdır.

İcazə verin, əmin olduğumu bildirim ki, ali maliyyə nəzarəti orqanlarının - Rusiya Federasiyasının Hesablama Palatası və Azərbaycan Respublikasının Hesablama Palatası arasında səmərəli qarşılıqlı əlaqə bundan sonra da inkişaf edəcəkdir.

İlham Heydər oğlu, Sizə ali dövlət vəzifəsində səmərəli və uğurlu iş, bütün niyyətlərinizin həyata keçməsini, Azərbaycan xalqına isə tərəqqi arzulayıram! Xahiş edirəm, Sizə hörmət bəslədiyimə əmin olasınız və tezliklə sağalması barədə arzumu Heydər Əlirza oğluna yetirəsiniz.

Hörmətlə,

Sergey Stepaşin

Rusiya Federasiyası Hesablama Palatasının

sədri

Moskva, 17 oktyabr 2003-cü il.