AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ

21.10.2003 [18:14]
Çap et
A⁺ A^-

Sizin Azərbaycan Respublikasının Prezidenti seçilməyiniz barədə xəbəri sevinclə qarşıladım. Zati-aliləri, Sizə səmimi təbriklərimi və xoş arzularımı yetirirəm. Əminəm ki, Sizin rəhbərliyinizlə ölkənizin dövlət quruculuğu işlərində böyük uğurlar qazanılacaqdır.

Çin ilə Azərbaycan arasında diplomatik münasibətlər yaradıldıqdan sonra ölkələrimizin əlaqələri inamla inkişaf edir, siyasi qarşılıqlı münasibətlər daim möhkəmlənir, bütün sahələrdə əməkdaşlıq gündən-günə dərinləşir. Çinin yeni rəhbərliyi Azərbaycanla dostluğu və qarşılıqlı surətdə faydalı əməkdaşlığı davamlı şəkildə və ardıcıl olaraq inkişaf etdirməyə hazırdır. Ölkələrimizin xalqlarının rifahı naminə Çin-Azərbaycan münasibətlərini hərtərəfli inkişaf etdirib irəlilətməkdə Sizinlə birgə səylər göstərəcəyimizə ümid bəsləyirəm.

Zati-aliləri, Sizə möhkəm cansağlığı və işinizdə uğurlar arzulayıram.

Azərbaycana tərəqqi və qüdrət, onun xalqına isə xoşbəxtlik və firavanlıq diləyirəm.

Hörmətlə,

Xu Szintao,

Çin Xalq Respublikasının sədri

Pekin, 21 oktyabr 2003-cü il.