AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti seçilməyiniz münasibətilə Ukrayna xalqı adından və şəxsən öz adımdan ən səmimi təbrikləri qəbul edin.
Mən həmişə əmin idim ki, Azərbaycan xalqı yeni nəslin istedadlı və təşəbbüskar dövlət xadimi kimi Sizi seçkilərdə dəstəkləyəcəkdir.
İnanıram ki, Sizin fəal rəhbərliyinizlə Azərbaycan müasir, demokratik, iqtisadi baxımdan qüdrətli və siyasi cəhətdən müstəqil dövlət quruculuğu yolu ilə bundan sonra da uğurla irəliləyəcək və bunu dünya birliyi də lazımınca qiymətləndirəcəkdir.
Azərbaycanla strateji tərəfdaşlıq münasibətlərinə Ukraynanın sadiqliyini təsdiqləyərək, ümidvaram ki, dövlətlərimizin qarşılıqlı fəaliyyətinin perspektivlərini Sizinlə yaxın vaxtlarda müzakirə etməyə imkanım olacaqdır. Azərbaycan Respublikasının Prezidenti kimi Sizi Ukraynaya rəsmi səfərə dəvət edirəm.
Çox hörmətli İlham Heydər oğlu, Sizə möhkəm cansağlığı, məsul dövləti fəaliyyətinizdə Azərbaycan xalqının rifahı naminə hər cür uğurlar arzulayıram.
Dərin hörmətlə,
Leonid Kuçma,
Ukraynanın Prezidenti
Kiyev, 16 oktyabr 2003-ci il.
Bölmənin digər xəbərləri
