AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikası Prezidentinin seçkilərində inamlı qələbəniz münasibətilə Sizi səmimiyyətlə və ürəkdən təbrik edirəm. Sizin ölkədə ali dövlət vəzifəsinə seçilməyiniz Azərbaycan xalqı arasında yüksək nüfuza malik olmağınızın təsdiqidir.
Azərbaycan Respublikası öz taleyini Sizə etibar etməklə, ölkədə aparılan demokratik dəyişikliklərə və iqtisadi islahatlara, cəmiyyətdə sülhə, həmrəyliyə və sabitliyə sadiqliyini təsdiqləmişdir.
Qəti əminəm ki, Siz Moldova və Azərbaycan xalqlarının firavanlığı və tərəqqisi naminə dövlətlərimiz arasında dostluq, əməkdaşlıq və qarşılıqlı anlaşma münasibətlərinin daha da inkişafına və möhkəmlənməsinə kömək edəcəksiniz.
Çox hörmətli İlham Heydər oğlu, səmimi qəlbdən Sizə möhkəm cansağlığı, ölkənizin və xalqınızın rifahı naminə bütün nəcib niyyətlərinizin həyata keçirilməsində böyük uğurlar arzulayıram.
Dərin hörmətlə,
Vladimir Voronin
Moldova Respublikasının Prezidenti
Kişinyov, 16 oktyabr 2003-cü il.
Bölmənin digər xəbərləri
