AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Sizi - görkəmli ictimai xadimi, peşəkar siyasətçini, böyük təşkilatçını Azərbaycan xalqı tərəfindən yekdilliklə Prezident seçilməyiniz münasibətilə səmimi qəlbdən təbrik edir, Sizə uzun ömür, möhkəm cansağlığı, bundan sonrakı çətin və mürəkkəb fəaliyyətinizdə yeni-yeni uğurlar diləyirik.
Biz xalqımızın, respublikamızın gələcək taleyini Sizin adınızla bağlayırıq. Çünki Siz böyük Heydər Əliyev məktəbinin yetişdirməsi və layiqli davamçısısınız.
Heç şübhə etmirik ki, atanızın təməlini qoyduğu möhkəm ənənələrin - mədəniyyətimizə, musiqimizə olan diqqət və qayğısının davamının həmişə şahidi olacağıq.
Möhtərəm Baş nazir!
Sizi əmin edirik ki, bundan sonra da biz sənətimizlə, yeni-yeni yüksək səviyyəli əsərlərimizlə Azərbaycanın musiqi mədəniyyətini daim inkişaf etdirəcəyik.
Azərbaycan bəstəkarları və musiqişünasları adından dərin hörmətlə,
Vasif Adıgözəlov
Azərbaycan Bəstəkarlar İttifaqı
İdarə heyətinin birinci katibi
17 oktyabr 2003-cü il.
Bölmənin digər xəbərləri
