AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
“Bilik və Vətən” – Vahid Rusiya Ümumrusiya Siyasi Partiyasının rəhbərliyi adından və şəxsən öz adımdan Sizi prezident seçkilərində inamlı qələbə münasibətilə təbrik edirəm.
Əminik ki, Sizin rəhbərliyinizlə ölkəniz həyatın müxtəlif sahələrində yeni uğurlar qazanacaq, Azərbaycan xalqının rifahına yönəldilmiş köklü iqtisadi və sosial dəyişikliklər aparacaqdır.
Biz müdrik rəhbər, zəmanəmizin görkəmli siyasi və dövlət xadimi, Rusiyanın böyük dostu kimi Sizə dərin hörmət bəsləyirik.
Azərbaycanla Rusiya arasında mehriban qonşuluğun və əməkdaşlığın möhkəmlənməsinə Sizin şəxsi töhfənizi yüksək qiymətləndiririk. Ölkələrimizi ənənəvi olaraq dostluq münasibətləri bağlayır. İndi bu münasibətlər əsl tərəqqi dövrünü keçirir, yeni məzmunla dolğunlaşır və əminik ki, partiyalarımız – Yeni Azərbaycan Partiyası və Vahid Rusiya Partiyası bu əlaqələrin daha da fəallaşdırılması və dərinləşdirilməsi üçün çox iş görə bilərlər.
Hörmətli İlham Heydər oğlu, Sizə möhkəm cansağlığı, çoxsahəli fəaliyyətinizdə uğurlar, xoşbəxtlik və firavanlıq arzulayırıq.
Səmimiyyətlə Sizin,
V.Boqomolov
Vahid Rusiya Partiyası Baş şurasının
katibi
Moskva, 20 oktyabr 2003-cü il.
Bölmənin digər xəbərləri
