AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ
Prezident seçkilərindən zəfərlə çıxaraq, dost və qardaş Azərbaycan Respublikasının Prezidenti vəzifəsinə seçilməyiniz münasibətilə Sizi ən səmimi duyğularla təbrik edirəm.
Azərbaycanda uzun müddətdən bəri aparılan sabit və dinamik iqtisadi, sosial və mədəni siyasətin Sizin liderliyiniz altında daha da inkişaf edərək davam edəcəyinə və Azərbaycanın beynəlxalq aləmdə nüfuzunun daha da yüksələcəyinə ürəkdən inınıram.
Böyük dövlət və siyasət xadimi möhtərəm Heydər Əliyevin yandırdığı demokratiya və müasirləşmə məşəlinin Zati-alinizin liderliyi ilə Azərbaycan Respublikasını yüksək zirvələrə çatdıracağına və bu gözəl ölkəni Orta Asiya və Qafqazın nümunəvi respublikasına çevriləcəyinə əminəm.
Xaricdəki ilk sərmayəni səkkiz il öncə Azərbaycana yatırmasından qürur və fəxr duyan bir iş adamı olaraq, Zati-alilərinizə dost və qardaş Azərbaycan xalqının rifahı və səadəti yolundakı fəaliyyətinizdə ən səmimi diləklərimi yetirirəm.
Dərin hörmət və ehtiramla,
Hüseyn Bayraqdar Bayraqdar Holdinqin fəxri sədri
İstanbul, 20 oktyabr 2003-cü il.
Bölmənin digər xəbərləri
