AZƏRBAYCAN RESPUBLİKASININ BAŞ NAZİRİ ZATİ-ALİLƏRİ CƏNAB İLHAM ƏLİYEVƏ

29.10.2003 [18:34]
Çap et
A⁺ A^-

Cənab Baş nazir,

İcazə verin, Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edim.

Son illər ərzində Siz ARDNŞ-in rəhbərlərindən biri olmusunuz və həmin şirkətlə əməkdaşlıq “Total” şirkətinə Azərbaycanın qaz yataqlarının istismarında əsas iştirakçı olmağa imkan verdi. Buna görə Sizə ən səmimi minnətdarlığımı bildirirəm və şadam ki, Siz Prezident Heydər Əliyev tərəfindən yerinə yetirilən böyük işləri davam etdirə biləcəksiniz.

Bu əməkdaşlığın davam etdirilməsini və Sizin ölkənizdə fəaliyyətimizin möhkəmləndirilməsini arzu edir və buna böyük ümid bəsləyirəm. Zati-alinizə Azərbaycanın inkişafı və tərəqqisində uğurlar diləyirəm.

Dərin hörmətlə və səmimiyyətlə,

Tyerri Demare,

“Total” şirkətinin prezidenti

və baş direktoru.

Paris, 28 oktyabr 2003-cü il.