AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti seçilməyiniz münasibətilə Sizi şirkətimiz adından təbrik etməkdən şərəf duyuram. Zati-aliləri, fürsətdən istifadə edərək, Almaniyanın iri proqram təminatı istehsalçısı olan SAP şirkətinin və şəxsən özümün ən xoş diləklərimizi Sizə yetirərək, bu vəzifədə çalışdığınız dövrdə milli, regional və beynəlxalq səviyyələrdə işlərinizdə hər cür uğurlar arzulayırıq. Sizi həmçinin əmin etmək istərdim ki, SAP şirkəti Azərbaycan Respublikasına müasir texnologiyalar göndərilməsinə, onun davamlı inkişafına töhfə verilməsinə hər cür kömək göstərməyə hazırdır.
Mən Azərbaycan Respublikası ilə SAP arasında əməkdaşlığın səmərəli şəkildə inkişaf edəcəyinə və möhkəmlənəcəyinə ümid bəsləyirəm.
Azərbaycan Respublikasının xalqına Sizin rəhbərliyinizlə inkişaf yolunda maliyyə sabitliyi, tərəqqi və əmin-amanlıq arzulayıram.
Hörmətlə,
Aleksey Şlıkov,
Almaniyanın “SAP CİS ənd Baltic States”
Şirkətinin icraçı direktoru.
Moskva, 31 oktyabr 2003-cü il.
Bölmənin digər xəbərləri
