AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ

03.11.2003 [18:43]
Çap et
A⁺ A^-

Zati-aliləri cənab Prezident,

İcazə verin, Azərbaycan Respublikasının Prezidenti seçilməyiniz münasibətilə Sizə səmimi təbriklərimi ifadə edim.

Fürsətdən istifadə edərək, əmin olduğumu bildirmək istərdim ki, Sizin şəxsiyyətiniz bir-birindən uzaq, lakin dost olan xalqlarımızı birləşdirən möhkəm körpü olacaqdır. Eyni zamanda, Sizi əmin etmək istərdim ki, Slovakiya Respublikası keçmişdə olduğu kimi, bundan sonra da hərtərəfli münasibətlərin və qarşılıqlı surətdə faydalı əməkdaşlığın fəal inkişaf etdirilməsinə maraq göstərəcəkdir.

Sizə və dövlətinizin vətəndaşlarına daim inkişafda olan və demokratik cəmiyyət quruculuğunda böyük uğurlar arzulayıram.

Zati-aliləri, Sizə dərin hörmət bəslədiyimə əmin olmağınızı xahiş edirəm.

Rudolf Şuster,

Slovakiya Respublikasının Prezidenti

Bratislava, oktyabr 2003-cü il.