AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ

03.11.2003 [19:35]
Çap et
A⁺ A^-

Sizi - dünyanın ən tanınmış cavan dövlət xadimlərindən birini Azərbaycan Respublikasının Prezidenti seçkilərində qələbəniz münasibətilə səmimi qəlbdən təbrik edirik.

Bu qələbəniz bütün Azəbaycan xalqı üçün böyük şərəf və fəxrdir. Bu yolda, xalqımızın mənəvi və iqtisadi tərəqqisi uğrunda apardığınız möhtəşəm mübarizədə Azərbaycan Dövlət Akademik Milli Dram Teatrının kollektivi adından Sizə cansağlığı, uzun ömür, yeni-yeni qələbələr arzulayırıq.

Prezident seçkilərindən sonra müxalif qüvvələr tərəfindən törədilən iğtişaşlara son qoyub ölkəmizdə vətəndaş təhlükəsizliyinin qorunması və əmin-amanlığın bərqərar olunması üçün tezliklə lazımi tədbirlər görməyinizi xahiş edirik.

Azərbaycan Dövlət Milli Dram Teatrının kollektivi adından

Hörmətlə,

Əliabbas Qədirov,

xalq artisti

17 oktyabr 2003-cü il.