AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Bütün xalqımız kimi, Bakıda yaradılan və fəaliyyət göstərən Şərq Ölkələri Beynəlxalq Memarlıq Akademiyasının çoxsaylı həqiqi və müxbir üzvləri də oktyabrın 15-də keçirilmiş prezident seçkilərində Sizin parlaq qələbənizi böyük sevinclə qarşıladılar.
Şərq Ölkələri Beynəlxalq Memarlıq Akademiyasının bütün üzvləri yekdilliklə Sizə səs vermişlər və Sizi, Azərbaycanın görkəmli dövlət xadimini xalqımız tərəfindən respublika Prezidenti seçilməyiniz münasibətilə səmimiyyətlə təbrik edirlər.
Hörmətli Prezidentimiz Heydər Əlirza oğlu Əliyev Azərbaycanın rəhbəri olarkən memarlığın elmi və praktiki inkişafına çox böyük diqqət yetirmiş, ona istiqamət vermişdir. Onun rəhbərliyi və birbaşa göstərişləri nəticəsində respublikamızın şəhər və kəndlərində böyük tikinti-quruculuq işləri aparılmış, gözəl və zəngin milli memarlıq ənənələri əsasında müasir nəhəng ictimai və yaşayış binaları, sənaye obyektləri və s. ucaldılmışdır.
Zati-aliləri cənab Heydər Əliyev Azərbaycanda memarlığın inkişafında böyük nailiyyətlərinə görə Akademiyamızın bütün üzvlərinin xahişi və tələbi ilə Şərq Ölkələri Beynəlxalq Memarlıq Akademiyasının həqiqi üzvü seçilmişdir.
Hörmətli cənab İlham Əliyev, Azərbaycanın bütün memarları, Akademiyanın bütün üzvləri Sizin böyük quruculuq və memarlıq sənətinə hörmətinizi bilərək, yekdilliklə Sizə səs vermişlər və Sizin rəhbərliyiniz altında memarlığın gələcək parlaq inkişafına inanırlar.
Hörmətli cənab İlham Əliyev, respublikamızın Prezidenti seçilməyinizlə əlaqədar Sizi bir daha təbrik edirik, Sizə səmimi qəlbdən cansağlığı, uzun ömür və xoşbəxtlik arzulayırıq.
Böyük hörmətlə,
Şamil Fətullayev-Fiqarov,
Şərq Ölkələri Beynəlxalq Memarlıq
Akademiyasının prezidenti, AMEA-nın müxbir üzvü,
professor, Dövlət mükafatı laureatı, əməkdar memar,
Rəfael Həsənov,
Şərq Ölkələri Beynəlxalq Memarlıq
Akademiyasının vitse-prezidenti,
əməkdar incəsənət xadimi, professor
Nizami Nağıyev,
Şərq Ölkələri Beynəlxalq Memarlıq
Akademiyasının vitse-prezidenti,
əməkdar memar, professor
Elbəy Qasımzadə,
Şərq Ölkələri Beynəlxalq Memarlıq
Akademiyasının vitse-prezidenti,
əməkdar memar
Fikrət Hüseynov,
Şərq Ölkələri Beynəlxalq Memarlıq
Akademiyasının vitse-prezidenti,
əməkdar memar, professor
Tələt Xanlarov,
Şərq Ölkələri Beynəlxalq Memarlıq
Akademiyasının vitse-prezidenti,
Dövlət mükafatı laureatı,
əməkdar memar
Bölmənin digər xəbərləri
