AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Respublikasının Prezidenti seçilməyiniz münasibətilə Sizi mərhum xalq şairi Cabir Novruzun ailəsi adından təbrik edirik. Azərbaycan xalqı Prezidentini olduqca sərbəst, azad şəraitdə seçdi. Bununla da özünə gələcək üçün arxa, kömək, təminat qazandı. Xalq Sizə inanıb, Sizi böyük məhəbbətlə dəstəklədi. Deməli, xalqımız bundan sonra da Sizin arxanızca gedəcək, Sizə kömək olacaqdır.
Cənab Prezident, icazə verin, belə yüksək vəzifədə Sizə uğurlar arzulayaq, Sizinlə sıx birləşib, müstəqilliyimizi qoruyub saxlayaq və Dağlıq Qarabağ problemini birlikdə həll edək. Xalq Sizə inanır və nicat yolunu Sizdə görür.
Cənab Prezident, əminik ki, Siz Heydər Əliyevin siyasətini yaşadacaq və Azərbaycan xalqını parlaq gələcəyə doğru aparacaqsınız.
Böyük hörmətlə,
Xalq şairi Cabir Novruzun ailəsi.
21 oktyabr 2003-cü il.
Bölmənin digər xəbərləri
