AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Seçkilərdə inamlı qələbə qazanaraq Prezident seçilməyiniz münasibətilə ailəmizin səmimi təbriklərini qəbul edin. Bu seçkilərin nəticələri sülh, sabitlik və tərəqqi siyasətinə səs vermiş Azərbaycan xalqının kimi üstün tutduğunu və iradəsini tam aşkarlığı ilə nümayiş etdirdi. Sizin qələbəniz əminlik yaradır ki, dünya şöhrətli Prezidentimiz cənab Heydər Əliyevin həyata keçirdiyi demokratik dəyişikliklər və iqtisadi islahatlar xalqımızın rifahı və azad, müstəqil Azərbaycanın beynəlxalq nüfuzunun möhkəmlənməsi naminə daha da inkişaf etdiriləcəkdir.
Sizə möhkəm cansağlığı, xoşbəxtlik və respublikamızın Prezidenti kimi yüksək vəzifədə Azərbaycan xalqının əmin-amanlığı, firavanlığı və tərəqqisi naminə uğurlar arzulayırıq. Ulu Tanrı Sizə yar olsun!
Səmimi ehtiramla,
bəstəkar-hüquqşünas
Ələkbər Tağıyevin ailəsi.
28 oktyabr 2003-cü il.
Bölmənin digər xəbərləri
