RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zati-aliləri, Azərbaycan Respublikasının Prezidenti seçilməyiniz münasibətilə Sizə öz adımdan, Tunis hökuməti və xalqı adından hərarətli təbriklər göndərməyi özümə şərəf sayıram. Sizə yeni məsuliyyətli işinizdə cansağlığı, səadət və uğurlar diləyirəm.
Bu xoş fürsətdən istifadə edərək, ümidvar olduğumu bildirmək istəyirəm ki, qardaş xalqlarımızın mənafeyi naminə ölkələrimiz arasında dostluq və əməkdaşlıq əlaqələrinin daha da möhkəmlənməsində birgə səylərimizi əsirgəməyəcəyik.
Zeynulabidin bin Əli
Tunis Respublikasının Prezidenti.