AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Atanızın – Azərbaycan Respublikasının tanınmış, çoxillik milli lideri Heydər Əlirza oğlu Əliyevin vəfatı ilə əlaqədar Sizinlə və bütün Azərbaycan
xalqı ilə birlikdə dərindən kədərlənirəm.
Bütün dünyada layiqli hörmət və böyük nüfuz qazanmış görkəmli dövlət xadimi həyatdan getmişdir. Uzun illər ərzində Heydər Əlirza oğlu Əliyevin səmərəli fəaliyyəti xalqlarımızın ümumi tarixi ilə bilavasitə bağlı olmuşdur. O, Rusiya və Azərbaycanın strateji tərəfdaşlığının təməlini qoymuş, dostluğumuzun və qarşılıqlı anlaşmamızın möhkəmlənməsinə böyük şəxsi töhfə vermişdir.
Onun vəfatı Müstəqil Dövlətlər Birliyi, bütün beynəlxalq birlik üçün əvəzsiz itkidir.
Bu faciəli anda qardaş Azərbaycan xalqına, Heydər Əlirza oğlunun qohumlarına və yaxınlarına ən dərin hüznlə başsağlığı verirəm.
Vladimir Putin,
Rusiya Federasiyasının Prezidenti
Moskva, 13 dekabr 2003-cü il
Bölmənin digər xəbərləri
