AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Sizi və Azərbaycan xalqını 18 Oktyabr - Müstəqillik günü münasibətilə təbrik edir və bu münasibətlə Sizə ən xoş arzularımı ifadə edirəm.
Son illər ərzində xalqlarımız birlikdə bir çox nailyyətlər əldə etmişlər: terrorizmə qarşı qlobal müharibədə əməkdaşlıq, İraqda sülhün bərqərar edilməsi, Xəzərin enerji ehtiyatlarının ixracı üçün Şərq-Qərb dəhlizinin yaradılması və Azərbaycanın iqtisadi inkişafı buna parlaq nümunədir. Azərbaycanın tarixində bu mərhələni qeyd edərək, mən ölkələrimiz arasında sıx əlaqələrin davam etdirilməsini səbirsizliklə gözləyirəm.
Mən Sizin Azərbaycanda partiyalararası dialoqa və barışığa çağırışınızı alqışlayıram. Gündən-günə demokratikləşən, çiçəklənən və firavanlaşan ölkə quruculuğu prosesində Sizin baxışlarınızın reallaşmasında Sizə və Azərbaycanın bütün siyasi liderlərinə uğurlar arzulayıram.
Corc W. Buş
Amerika Birləşmiş Ştatlarının Prezidenti
Bölmənin digər xəbərləri
