MƏDƏNİYYƏT
AZƏRBAYCAN RƏSSAMLARININ ƏSƏRLƏRİNƏ BÖYÜK MARAQ
Oktyabrın 4-də Ankaranın “Nefertiti rəsm qalereyası”nda dünyanın 14 ölkəsinin, o cümlədən Azərbaycan, Türkiyə, Rusiya, Fransa, İspaniya, Gürcüstan, İran, Hollandiya, Dominik Respublikası, Meksika, Özbəkistan, Kuba, Rumıniya və Ukrayna rəssamlarının əsərlərindən ibarət sərgi açılmışdır.
Beynəlxalq sərgidə Mikayıl Abdullayevin, Səttar Bəhlulzadənin, Teymur Ağalıoğlunun, Məmmədəli Ələkbərovun, Sakit Məmmədovun, Böyükağa Mirzəzadənin, Davud Kazımovun, Orxan Hüseynovun, Rəsul Hüseynovun, Əlisəttar Səlimovun, Xanlar Əliyevin əsərləri nümayiş etdirilir.
Bu əsərlər türk sənətsevərlərinin böyük rəğbətini qazanmışdır. Oktyabrın 25-dək davam edəcək sərginin sonunda bəzi əsərlərin satışı da nəzərdə tutulur.
Onu da qeyd edək ki, bu günlərdə həmyerlimiz Teymur Ağalıoğlunun Ankarada sənət atelyesi açılmışdır.
Tural Rzayev
AZƏRTAC-ın xüsusi müxbiri
Ankara
Bölmənin digər xəbərləri
