AZƏRBAYCAN “WORLD TRAVEL MARKET-2002” ÜMUMDÜNYA SƏRGİSİNDƏ İŞTİRAK EDİR
Londonda keçirilən “World travel market-2002” Ümumdünya turizm sərgisində respublikamızın stendinin açılışı olmuşdur. Azərbaycan belə nüfuzlu sərgidə ilk dəfədir ki, iştirak edir. Gənclər, İdman və Turizm Nazirliyindən AZƏRTAC-a bildirmişlər ki, stenddə ingilis və rus dillərində informasiya-reklam məhsulları nümayiş etdirilir. Nazir Əbülfəz Qarayev açılışda çıxış edərək demişdir ki, bu sərgidə iştirakımız Azərbaycanın turizm sahəsində cazibədarlıq imicini yaratmağa kömək göstərəcəkdir.
Azərbaycan nümayəndə heyətinin Londona səfər proqramı çərçivəsində respublikamızla əlaqələri inkişaf etdirmək istəyən təşkilatların nümayəndələri ilə görüşlər, ölkəmizin Böyük Britaniyadakı səfirliyində isə Azərbaycanın turizm təşkilatlarının və iqtisadiyyatın əlaqədar sahələrini təmsil edən şirkətlərin nümayəndələrinin iştirakı ilə seminar keçiriləcəkdir.
Bölmənin digər xəbərləri
