AZƏRBAYCAN XALQ CÜMHURİYYƏTİNİN 90 İLLİK YUBİLEYİ MÜNASİBƏTİLƏ MƏRAKEŞDƏ RƏSMİ QƏBUL TƏŞKİL EDİLMİŞDİR
Azərbaycanın Mərakeş Krallığındakı səfirliyindən AZƏRTAC-a bildirmişlər ki, qurum paytaxt Rabatda Azərbaycan Xalq Cümhuriyyətinin 90 illik yubileyi münasibətilə rəsmi qəbul təşkil etmişdir.
Qəbulda Xarici İşlər Nazirliyinin rəhbər şəxsləri, parlament üzvləri, İSESKO-nun baş direktoru Əbdüləziz bin Osman əl-Tüveycrinin, sabiq Baş nazir Abdelhadi Nari, Məğrib Ərəb İttifaqının baş katibi H.Yahya, Ticarətin İnkişafı üzrə İslam Mərkəzinin baş direktoru A.Raşdi, diplomatlar, ictimaiyyətin nümayəndələri və Mərakeş-Azərbaycan Dostluq Cəmiyyətinin üzvləri iştirak etmişlər.
Azərbaycanın və Mərakeşin dövlət himnləri səsləndikdən sonra XİN-in baş katibi Ömər Hilal Mərakeş Kralı VI Məhəmmədin Azərbaycan Prezidenti İlham Əliyevə səmimi təbriklərini çatdırmış, iki ölkə arasında ikitərəfli əlaqələrin yüksələn xəttlə inkişaf etdiyini vurğulamış və dost Azərbaycan Respublikasının daha da çiçəklənməsini arzulamışdır.
28 may - Respublika günü münasibətilə yerli KİV-də Kral VI Məhəmmədin Azərbaycan Respublikasının Prezidenti İlham Əliyevə təbrik məktubu dərc olunmuşdur. Kral öz məktubunda Azərbaycan xalqını və Prezident İlham Əliyevi bu mühüm gün münasibətilə təbrik etmiş və iki ölkə arasında qardaşlıq əlaqələrinin möhkəmlənməsindən məmnun olduğunu vurğulayaraq, gələcəkdə ikitərəfli faydalı əməkdaşlığın daha da yüksək səviyyələrə çatacağına ümidvar olduğu bildirilmişdir.
######
Bölmənin digər xəbərləri
