Azərbaycanda ötən il elektron imza ilə 4 milyondan çox sənəd imzalanıb
Bakı, 25 yanvar, AZƏRTAC
Azərbaycanda elektron imza istifadəçilərinin sayı sürətlə artır.
Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən ötən il dövlət qurumları üzrə 47 min 532, fiziki şəxslər üzrə 15 min 832, hüquqi şəxslər üzrə isə 13 min 820 elektron imza sertifikatı istifadəyə verilib.
Bu müddətdə sənəd imzalama tranzaksiyalarının sayı dövlət qurumları tərəfindən 3 milyon 160 min 353, hüquqi və fiziki şəxslər tərəfindən 906 min 334 olub. Ümumilikdə, 2015-ci ildə elektron imza ilə 4 milyondan çox sənəd ımzalanıb.
E-imza, həmçinin “Elektron hökumət” portalının autentifikasiya vasitələrindəndir. Ötən il e-imza kartları vasitəsilə portala 4 milyondan çox autentifikasiya qeydə alınıb.
Bölmənin digər xəbərləri
