AZƏRBAYCANDA QUŞ QRİPİ XƏSTƏLİYİ YOXDUR
Kənd təsərrüfatı naziri İsmət Abasov AZƏRTAC-a bildirmişdir ki, son vaxtlar quş qripi ilə bağlı yayılan məlumatlar yanlışdır. Hələ keçən ilin dekabrında belə şayiələr yayılmışdı. O vaxt ABŞ-ın Azərbaycandakı səfirliyi bizə müraciət etdi və həmin quşlar müayinə üçün İngiltərə, İtaliya və Ukraynadakı laboratoriyalara göndərildi. Gələn cavablarda bildirildi ki, Azərbaycanda quş qripi xəstəliyi yoxdur.
Bir müddət əvvəl Salyan rayonundan 14 yaşında oğlanın yüksək hərarətlə xəstəxanaya yerləşdirildiyini söyləyən nazir demişdir ki, iki gün bundan qabaq Kənd Təsərrüfatı Nazirliyinin Baytarlıq Xidmətinin və Səhiyyə Nazirliyinin müvafiq laboratoriyasının əməkdaşları birgə müayinə aparmışlar. Nəticələr göstərmişdir ki, oğlanda quş qripi virusu yoxdur.
Bölmənin digər xəbərləri
