AZƏRBAYCANDA SİQARET ÇƏKƏN KİŞİLƏRİN SAYI AZALMIŞDIR
AZƏRTAC xəbər verir ki, Azərbaycanda siqaret çəkən kişilərin sayı ötən ilə nisbətən 2004-cü ildə 1,8 faiz azalmış, qadınların sayı isə 0,1 faiz artmışdır. Hazırda ölkədə əhalinin 20 faizi, başqa sözlə, təqribən 1,7 milyonu siqaret çəkir.
16-20 yaş arasındakı kişilərin 1,6 faizi, qadınların isə 0,2 faizi, kişilərdən daha çox 40-50 yaşlılar, qadınlardan isə daha çox 70 yaşından yuxarılar siqaretə üstünlük verirlər.
Siqaret çəkən qadınlar orta hesabla gündə 15, kişilər isə 16 siqaret çəkir. Siqaret çəkən qadınların 1,6 faizi, kişilərinsə 4,2 faizi gündə 20-dən çox siqaret çəkir.
