“Azərbaycanın coğrafiyaçı alimləri” kitabı nəşr olunmuşdur
Bakı, 26 sentyabr (AZƏRTAC). “Elm” nəşriyyatında “Azərbaycanın coğrafiyaçı alimləri” kitabı çapdan çıxmışdır.
AMEA-nın akademik Həsən Əliyev adına Coğrafiya İnstitutundan AZƏRTAC-a bildirmişlər ki, müəlliflər kollektivi tərəfindən tərtib edilmiş kitab ilk dəfə nəşr olunmaqla Azərbaycanın bütün coğrafiyaçı alimlərinin elmi yaradıcılıq fəaliyyətlərinin və coğrafiya elminin inkişafındakı elmi-nəzəri fikirlərinin, elmə verdikləri töhfələrin yığcam xülasəsinə həsr olunmuşdur.
Yeni nəşrdə, həmçinin Azərbaycanda coğrafiya elmi sahəsində yetişmiş elmi kadr potensialının inkişaf dinamikası və müasir ekocoğrafi problemlərin həlli istiqamətlərinin təhlili verilmişdir.
Bölmənin digər xəbərləri
