AZƏRBAYCANIN DÖVLƏT SƏRHƏDLƏRİ ETİBARLI SURƏTDƏ QORUNUR
Son bir ayda axtarışda olan 44 nəfər şəxs müəyyənləşdirilərək saxlanılmışdır.
Dövlət sərhədinin mühafizəsi zamanı 17 halda dövlət sərhədinin pozulmasının qarşısı alınmış, nəticədə 10 nəfər İran vətəndaşı, 8 nəfər Azərbaycan vətəndaşı, 7 nəfər Gürcüstan vətəndaşı və 2 nəfər Rusiya Federasiyası vətəndaşı sərhəd pozucusu qismində tutulmuş, sərhəd rejimi qaydalarını pozduqlarına görə 14 nəfər Azərbaycan vətəndaşı və 1 nəfər Gürcüstan vətəndaşı saxlanılmışdır.
Qeyri-leqal miqrasiyaya qarşı mübarizədə 5 nəfər Türkiyə vətəndaşı, 3 nəfər Özbəkistan vətəndaşı, 3 nəfər Qırğızıstan vətəndaşı, 3 nəfər Azərbaycan vətəndaşı, 2 nəfər Malayziya vətəndaşı, 2 nəfər İran vətəndaşı, 1 nəfər Banqladeş vətəndaşı, 1 nəfər Pakistan vətəndaşı, 1 nəfər Rusiya vətəndaşı, 1 nəfər Şri-Lanka vətəndaşı saxta sənədlə, 2 nəfər Özbəkistan vətəndaşı, 2 nəfər Azərbaycan vətəndaşı və 1 nəfər Gürcüstan vətəndaşı başqasına məxsus sənədlə, 15 nəfər Azərbaycan vətəndaşı müvafiq sənədləri olmadığına görə saxlanılmışlar.
Həmçinin, 11 nəfər Hindistan, 7 nəfər İran, 6 nəfər Türkiyə, 3 nəfər Filippin, 3 nəfər Malayziya, 2 nəfər Pakistan, 2 nəfər Suriya, 1 nəfər Vyetnam, 1 nəfər Misir və 1 nəfər Çin vətəndaşı vizalarının olmamasına görə, 4 nəfər Azərbaycan, 1 nəfər Özbəkistan, 1 nəfər Qazaxıstan vətəndaşı isə şübhəli şəxs qismində saxlanılaraq barələrində müvafiq tədbirlər görülmüşdür.
Aprel ayında 1000 ABŞ dollarının, 70.030 qutu müxtəlif markalı siqaretlərin, 5 adda 43 ədəd qızıl zinət əşyasının, 4 adda 157 ədəd müxtəlif növ gümüş mətbəx əşyasının, 31 kiloqram kürünün, 345 kiloqram balığın, tokar dəzgahının 5 adda 17.722 ədəd ehtiyat hissəsinin, bir sıra ərzaq və sənaye mallarının sərhəddən qeyri-qanuni keçirilməsinin qarşısı alınmışdır.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
Bölmənin digər xəbərləri
