AZƏRBAYCANIN İŞĞAL OLUNMUŞ ƏRAZİLƏRİNDƏ YANĞINLAR NƏTİCƏSİNDƏ ƏTRAF MÜHİTƏ KÜLLİ MİQDARDA ZİYAN VURULMUŞDUR
Ekologiya və Təbii Sərvətlər Nazirliyindən AZƏRTAC-a bildirmişlər ki, son günlər ermənilər tərəfindən Ağdam və Füzuli rayonlarının işğal altında olan ərazilərində törədilmiş yanğınlar nəticəsində bu bölgələrdə ətraf mühitə ziyan dəymişdir.
Mayın 27-də Ağdamın işğal altında olan Nəmirli, Novruzlu, Sarıcalı kəndlərində 20 hektardan çox ərazidə yanğınlar törədilmişdir.
Ümumilikdə, Ağdam rayonu üzrə ətraf mühitə 25284 manat ziyan vurulmuşdur.
Mayın 30-da isə Füzuli rayonunun Aşağı Seyidəhmədli, Qorqan və Horadiz kəndlərində ermənilər tərəfindən törədilən yanğınlar zamanı 120 hektar sahədə bitki örtüyü və torpağın üst münbit qatı tamamilə yanmış, atmosferə xeyli miqdarda zərərli maddələr atılmış və ərazidəki fauna növləri yanaraq məhv olmuşdur. Mütəxəssislərin hesablamalarına görə, Füzuli rayonunda törədilmiş yanğınlar nəticəsində ətraf mühitə 13518 manat ziyan dəydiyi müəyyən edilmişdir.
Bölmənin digər xəbərləri
