Azərbaycanın Özbəkistandakı səfirliyi Qurban bayramı münasibətilə uşaq evinə bayram payı göndərib
Daşkənd, 2 avqust, AZƏRTAC
Azərbaycanın Özbəkistandakı səfirliyi Qurban bayramı münasibətilə Daşkənddəki Xlebuşkina adına uşaq evinə bir neçə qoyun kəsərək bayram payı göndərib.
AZƏRTAC xəbər verir ki, qurban payını uşaq evinə səfirliyin əməkdaşları aparıb, onları bayram münasibətilə təbrik ediblər.
Uşaq evinin rəhbərliyi xeyriyyə aksiyasını yüksək qiymətləndirib, kimsəsiz uşaqların tərbiyə aldığı bu uşaq evinə göstərilən dəstəyə görə səfirliyə və Azərbaycan dövlətinə minnətdarlıq ifadə ediblər.
Xatırladırıq ki, Özbəkistanın və Azərbaycanın bütün dövlət və milli bayramlarında səfirliyimiz bu uşaq evinə müntəzəm olaraq yardımlar edir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
