İQTİSADİYYAT
“Azercell” “Facebook” sosial şəbəkəsində lider olub
Bakı, 23 fevral, AZƏRTAC
“Azercell Telekom” növbəti dəfə yerli brendlər arasında “Facebook” sosial şəbəkəsində lider olub. Şirkət “Facebook”dakı rəsmi səhifəsində yanvar ayında müştəri istəklərinin 100 faiz cavablama nəticəsini əldə edib.
“Azercell Telekom”dan AZƏRTAC-a bildirilib ki, mobil operatorlar arasından ən çox - 656 sual “Azercell”ə ünvanlanıb və bütün suallar operativ şəkildə cavablandırılıb. “Azercell”, eyni zamanda, 2015-ci ilin oktyabr-noyabr-dekabr aylarının nəticələrinə görə də lider olub. Şirkət uğurlu nəticələrinə görə, “Socialbakers” beynəlxalq tədqiqat təşkilatından ötən ilin IV rübü üçün “Socially devoted” (Sosial sədaqətli) sertifikatına layiq görülüb.