«Azərikimya» Bakı neft emal zavodunun sifarişini uğurla yerinə yetirmişdir
Sumqayıt, 25 may (AZƏRTAC). «Azərikimya» İstehsalat Birliyinin mexaniki-təmir zavodunun kollektivi ilk dəfə olaraq Heydər Əliyev adına Bakı neft emalı zavodundan ELOU-AVT qurğusunun çoxtonlu istilikdəyişdiricilərinin təmiri ilə bağlı qəbul olunmuş sifarişi uğurla yerinə yetirmişdir.
“Azərkimya” İB-nin mətbuat xidmətindən AZƏRTAC-a bildirmişlər ki, hər biri 4,5 tondan 18 tona qədər olan bu iriqabaritli texnoloji hissələrin keyfiyyətli təmirindən neftin emal dərinliyinin əhəmiyyətli dərəcədə asılı olduğunu bilən təmirçilər artıq sifariş olunmuş 13 istilikdəyişdiricinin ilk partiyasını - dördünü əsaslı təmir edərək, neftayıranlara yola salmışlar.
Uzun illərdir ki, «Azərikimya»nın etilen-polietilen və üzvi sintez zavodlarının texnoloji qurğularının analoji hissələrinin təmiri ilə məşğul olaraq, bu sahədə böyük təcrübə qazanmış və mükəmməl ixtisaslaşmış sumqayıtlı təmirçilər hazırda neft emalı zavodunun daha iki istilikdəyişdiricisinin əsaslı təmirini vaxtından əvvəl başa çatdırılması üzərində çalışırlar.
Bölmənin digər xəbərləri
