“Azərpoçt” Almaniya Sənaye Fondu ilə növbəti əməkdaşlığa başlayıb
Bakı, 19 sentyabr, AZƏRTAC
“Azərpoçt” MMC Almaniya Sənaye Fondu ilə SES (Senior Experten Service - SES) layihəsi çərçivəsində əməkdaşlığa başlayıb.
MMC-dən AZƏRTAC-a bildirilib ki, əməkdaşlıq çərçivəsində layihənin poçt sahəsi üzrə eksperti Karl-Gerold Mende “Azərpoçt”da bir sıra strukturlarla görüş keçirib, beynəlxalq təcrübəyə əsaslanan təcrübələrini bölüşüb.
Üç mərhələdən ibarət əməkdaşlığın məqsədi ilkin diaqnoz, yəni poçt sistemindəki boşluqların müəyyənləşdirilməsi, ardınca həmin boşluqların prioritetləşdirilməsi, daha sonra həll yollarının işlənib-hazırlanmasıdır.
Qeyd edək ki, “Azərpoçt”un bütün əməkdaşlıq layihələrində məqsəd xidmət keyfiyyətinin yaxşılaşdırılması və bazar standartlarına uyğun məhsulların təqdim olunmasıdır.
Bölmənin digər xəbərləri
