AZTƏMİNATLI MƏCBURİ KÖÇKÜNLƏR SOSİAL CƏHƏTDƏN MÜDAFİƏ OLUNURLAR
Rayon Əhalinin Sosial Müdafiəsi Mərkəzinin direktoru Həsən Ələkbərov AZƏRTAC—ın müxbirinə bildirmişdir ki, hazırda mərkəzdən 5 min 165 nəfər pensiya, 4 min 135 nəfər uşaq isə müavinət alır. Pensiya və müavinətlər vaxtında ödənilir. Fəaliyyətimizdə Azərbaycan Respublikasının Prezidenti Heydər Əliyevin imzaladığı 40-dan artıq Fərman və Sərəncamı rəhbər tuturuq. Orta aylıq pensiyanın məbləği 115 min manata qalxmış, 1441 nəfər pensiyaçının güzəştləri müavinətlə əvəz olunmuş, 165 nəfər işləməyən və minimum əmək pensiyası alan vətəndaşın pensiyasının məbləği 70 min manata çatdırılmışdır. Mərkəzdən pensiya alan 9 nəfər Çernobıl əlilinin hər birinə ildə bir dəfə müalicə üçün 500 min manat müavinət ödənilmişdir.
Pensiya təminatında şəffaflığı təmin etmək üçün komissiya yaradılmışdır. Onun tərkibinə rayon maliyyə şöbəsinin, Dövlət Sosial Müdafiə Fondu yerli şöbəsinin və digər qurumların nümayəndələri daxildir.
Bölmənin digər xəbərləri
